ЧЫЛАЙ чухне çуран çỹрекенсем унтан та кунтан çул урлă чупса каçнине асăрхама пулать. Çакă, паллах, тĕрĕс мар. Водитель сире асăрхаймасса та, кирлĕ мар çĕртен чупса каçма пултарасса шутламасса та пултарать. Акă, темиçе кун каялла çеç Патăрьелĕнчи Ленин проспектĕнче хĕрача çул урлă чупса каçнă чухне ГАЗель-эвакуаторăн хыçалти пайне пырса çапăннă. Юрать-ха, пысăк инкек пулман, чĕркуççине çеç мăкăлтанă.

 РФ ШĔМĕн муниципалитетсем хушшинчи "Батыревский" уйрмĕнчи ГИБДД пайĕн начальникĕ Марат Юнусов хаçат редакцине пĕлтернĕ тăрăх, кăçалхи пĕрремĕш уйăхра 2 аваринче икĕ çын аманнă. Иртнĕ çулхи çак вăхăтра аварисем çавăн чухлех пулнă, 5ĕн аманнă.