Июлĕн 2-мĕшĕнче Патăрьелĕнчи кану паркĕнче Çамрăксен кунне чыслăн тата анлăн уявларĕç. Тĕрлĕ мероприяти, илемлĕ уяв программи кану паркĕнче çамрăксене çеç мар, ватти-вĕттине те пуçтарчĕ. Кунтах мастер-класс, спорт ăмăртăвĕсем иртрĕç, пултаруллă та хастар çамрăксене чысларĕç. Тĕп сцена çинчен Патăрьелĕнчи централизациленĕ клуб системин тата Шупашкар артисчĕсем куракана юрăсемпе савăнтарчĕç.

 "Малашлăх тата пуласлăх - çамрăксенче. Сире малашнехи пурнăçра та пысăк хастарлăх сунатăп",- терĕ Патăрьел муниципалитет округĕн пуçлăхĕ Рудольф Селиванов çамрăксене уяв ячĕпе саламланă май.

(Хамăр корр)