Районта автомашинăсен йышĕ çулсерен ỹссе пырать. Çакă çул çинчи куçăмран та лайăх курăнать. Руль умĕнче чиперккесем йышланнине те палăртса хăвармалла. Кашни иккĕмĕш водитель хĕрарăм тесен те йăнăш мар пулĕ. Районти ГИБДД уйрăмĕнчен пĕлтернĕ тăрăх, чылай ашшĕ-амăшĕ пепкисене хăрушсăрлăх пиçихийĕсемпе çыхăнмасăрах, ятарлă креслăсăрах инçе çула илсе тухаççĕ. Çакă ятарлă рейдсенчен те курăнать. Тепĕр чухне ку тĕлĕшпе хăйсем те асăрханмаççĕ. Аварисен пысăк пайĕ шăпах çак сăлтавпа пулать те. Çул-йĕр шỹте те, çăмăлттайлăха та юратмасть. Çавăнпа та çуран пыракансен те, автомашинăпа çỹрекен водительсен те çул-йĕр правилине пăхăнмаллах.