И. Н. УЛЬЯНОВ ячĕллĕ Чăваш патшалăх университетĕнче 9-11 класра вĕренекенсем хушшинче чăваш чĕлхипе тата литературипе тĕнче шайĕнчи олимпиада иртнĕ. Пăлапуç Пашьелĕнчи вăтам шкулта 10 класра вĕренекен Лидия Александровăпа Анастасия Бахитова (ертỹçи Светлана Никитина) та унта хăйсен пĕлĕвне тĕрĕсленĕ. Регион шайĕнче мала тухнисем хушшинче йĕркеленĕ тупăшу çăмăл пулман, апла пулин те Лидия 42 балл пухса çĕнтерỹçĕ ятне тивĕçнĕ. Ыхра Çырминчи вăтам шкулти Анастасия Краснова (ертỹçи -Светлана Кулакова) - призер.

Анастасия Бахитова та хăйĕн пĕлĕвне туллин кăтартма тăрăшнă, анчах призерсен шутне кĕме шăпах пĕр балл çитеймен. Куншăн кулянма кирлех мар, чи пахи - олимпиадăна хутшăнма тивĕçни, тавракурăма анлăлатма пултарни.