2026 çулта «Раççей йĕлтĕр йĕрĕ — 2026» чупу иртет. Ăна ыран, февралĕн 14-мĕшĕнче йĕркелеççĕ.

Кăçалхи чупăва Раççейри халăхсен пĕрлĕхĕн, Чăваш Енри халăхсен туслăхĕн çулталăкне халалланă. Вăл «Раççей спорчĕ» патшалăх программипе килĕшÿллĕн иртет.

Патăрьел муниципалитет округĕнче паян территори пайĕсенче йĕлтĕр спортне кăмăллакансем старта тăрĕç. Ыран йăлана кĕнĕ йĕркепе Кĕçĕн Арапуçĕнчи В.Маркиданов ячĕллĕ йĕлтĕр трассинче спортсменсем 10 сехетре чупăва тухĕç. Йĕлтĕрпе чупакансем тĕрлĕ ушкăнпа ăмăртăва хутшăнĕç.