«Çемье» наци проекчĕпе килĕшÿллĕн 14-22 çула çитнĕ çамрăксене Пушкин картти параççĕ. Мĕнле çăмăллăх кÿрет-ха вăл? Çак картăпа тÿлевсĕр спектакльсем, киносем курма, куравсене кĕме, мастер-классене хутшăнма, тавракурăма аталантарма пулать. Чылай çамрăк унпа туллин усă курать.

Округри яш-кĕрĕм 8 уйăхра Пушкин карттипе усă курса клубсенче тата библиотекăсенче йĕркелекен 2000 ытла мероприятие хутшăннă, 459950 тенкĕ тăкакланă.

Шкулта вĕренекенсемпе студентсем патшалăх паракан çăмăллăхшăн чăннипех те хĕпĕртеççĕ. Пысăк экранпа илемлĕ фильм курас е театра каяс тесен те атте-аннерен укçа ыйтмалла мар.

Картăна илес тесен 14 çул тултарнă, паспорт илнĕ çул çитмен çамрăксен чи малтанах Патшалăх тивĕçтерĕвĕн порталĕнче регистрациленмелле.