НОЯБРĔН7-мĕшĕнче Аслă Чементе Украинăри ятарлă çар операцинче пуç хунă салтаксене асăнса мини-футболла вылярĕç. Ку шăматкун, ноябрĕн 14-мĕшĕнче, Патăрьелĕнчи «Паттăр» спорт шкулĕнче неонацистсемпе кĕрешсе паттăрла ĕмĕрлĕхех куçне хупнă Николай Сымов ячĕпе уçă шахмат турнирĕ иртет. Вăйă хĕрарăмсемпе арçынсем тата каччăсемпе хĕрсем хушшинче пулать. Ăмăрту 10.00 сехетре пуçланать.

Сумлă мероприятие иртнĕ çул та йĕркеленĕччĕ. Вăййа хутшăнакансем хăйсен тавçăрулăхне туллин кăтартма пултарчĕç. Кăçал та турнир çÿллĕ шайра иртесси куç кĕретех.