ГРИПП çын сывлăхне хавшатакан чирсенчен пĕри, унран сыхланас е çăмăлтарах ирттерсе ярас тесен профилактика туни пысăк пĕлтерĕшлĕ. Çакна шута илсе Патăрьелĕнчи тĕп больницăри, врач амбулаторийĕсенчи, фельдшерпа акушер пункчĕсенчи медицина ĕçченĕсем муниципалитетра пурăнакансене, уйрăмах çамрăк ăрăва, студентсене, йывăр çын хĕрарăмсене, 60 çултан аслăраххисене, чĕре, ÿпке, эндокрин системипе чирлисене прививка тăваççĕ. Паяна ача садне, шкула çÿрекенсем ку процедура витĕр тухнă. Аслисем валли тата 3500 яхăн вакцина илсе килнĕ.
Юхмапа Пăла тăрăхĕнче 14500 ытла çын чиртен хÿтĕленнĕ.
Ноябрь 2026 |
