ПУШАР тесен сехре хăпать. Çулăм пĕр хĕрхенмесĕр ĕмĕр пухнă пурлăха кĕле çавăрать. Февраль уйăхĕнче тăватă хуçалăхра вăл алхаснă. Юлашкинчен, февралĕн 28-мĕшĕнче, Татмăшра пулнă. Вутра хуралтăсем сиенленнĕ. «Хĕрлĕ автана» Патăрьелĕнчи пушар чаçĕнче тата Çĕнĕ Ахпÿртри пушар хуралĕнче вăй хуракансем ытлашши хуçаланма паманран çурта сыхласа хăварнă.

Тăватă пушар та электропроводкăран тухнă. Пĕр-пĕр ялта инкек пулсан кăшт вăхăт иртсенех çынсем çакăн пирки (пулăшу ыйтса мар!) социаллă сетьсене кăларса хурасси йăлана кĕчĕ. Пулăшу пама васкас вырăнне телефон тытса фото е видео ÿкерттерни килĕшмест, паллах.