УКРАИНĂРИ ятарлă çар операцине хутшăнса куçĕсене ĕмĕрлĕхех хупнисене кашни ял тăрăхĕнчех асра тытма тăрăшаççĕ. Тăван çĕршывăн хÿтĕлевçисен кунĕ умĕн Алманчăра паттăрсене хисеплесе мини-футболла выляссипе ăмăрту ирттерчĕç. Мартăн 7-мĕшĕнче вара Çĕньялта Геннадий Айхи ячĕллĕ пĕтĕмĕшле пĕлÿ паракан тĕп шкулта неонацистсемпе кĕрешсе вилнĕ А. Елимов, Н. Киркин, С. Паймулкин ячĕсемпе волейбол турнирĕ йĕркелеççĕ. Вăйă 10 сехетре пуçланать.
Октябрь 2026 |
