Профилактика тēлēшēпе тāвакан прививкāсем чир-чēртен сыхлаççē, āна çāмāлтарах чāтса ирттерме пулāшаççē. Уйрāмах ача-пāчана хēрлēхен (корь), дифтери, полиомиелит, паротит, коклющ, краснуха чирēсенчен прививкāсем туни питē кирлē. Çак чирсем ытларах сывлāш урлā лекеççē. Вēсем чирлē çынран сунаспа, ŷслēкпе, куççульпе сывлāша лексе сыввине ерет. Пēр çуртра пурāнакан ачасенчен пēри  чирлерē пулсан, ыттисен умне хāрушлāх тухса тāрать.

Халē медицинāра çак чирсене хирēç кēрешес меслетсенчен чи шанчакли  вāл - профилактика прививкисем.

Вакцинāсене лаборатори условисенче хатēрлеççē. Ачасене  прививкāсем тусан кēлеткере антителасем пулса каяççē, çапла вара чылай вāхāт инфекци чирēнчен упраççē. Антителасем вируссене тēп тāваççē. Прививкā хыççāн кēлеткере нимēнле улшāнусем те пулмаççē.

Хāрушā чирсенчен сыхланасси хāвāртан килет. Çавна май вакцинаци мероприятисем çине пысāк яваплāхпа пāхма, медицина учрежденисене медицина ēçченēсем каланā вāхāтра çитме тāрāшмалла.