ТĂВАН çĕршывăн Аслă вăрçинче, Афган, Чечен вăрçисенче пуç хунă салтаксене, тĕрлĕ çар чаçĕнче службăра тăнисем лартнă палăксене тасатса тирпейлессине шкул ачисем хăйсем çине илнĕ. Çак кунсенче Патăрьелĕнчи пĕрремĕш вăтам шкулта вĕренекенсем Кĕçĕн Патăрьелĕнчи, Патăрьелĕнчи обелисксем патĕнче субботниксем ирттернĕ. Çак ĕçе вĕсем кăмăлтанах пурнăçланă.

— Мирлĕ тÿпешĕн паттăрла пуç хунă салтаксене сума суса лартнă палăксене тирпейлесси — çамрăксен тивĕçĕ. Вĕсем эпир çут тĕнчене килччĕр, йăх тăсăлтăр тесе фашистсемпе çапăçнă, — теççĕ çамрăксем.