Кĕрешекенсем ăсталăхĕпе палăрнă

Категория: Публикации Опубликовано: 02.11.2019 17:28 Просмотров: 169

Октябрĕн 25-26-мĕшĕсенче олимп резервĕсене хатĕрлекен В. Кочков ячĕллĕ пиллĕкмĕш спорт шкулĕнче 2003-2004 çулсенче çуралнă хĕрсемпе каччăсем хушшинче ирĕклĕ майпа кĕрешсе республикăра мала тухассишĕн ăмăрту иртнĕ. Мероприятие Чăваш Енри хуласемпе районсенчи 200 ытла спортсмен пĕрлештернĕ 18 командăпа хутшăннă. Юхмапа Пăла тăрăхĕн чысне 15ĕн хỹтĕленĕ. 45 килограма тата 65 килограма çитичченхи виçеллисенчен Патăрьелĕнчи пĕрремĕш вăтам шкулти Р. Вахитов тата Р. Юсупов (тренерĕ - И. Алеев) çĕнтернĕ.

Люляра çуралса ỹснĕ, Ишлĕри пĕтĕмĕшле пĕлỹ паракан тĕп шкулта вĕреннĕ, халĕ олимп резервĕсене хатĕрлекен виççĕмĕш спорт шкулĕнче ăс пухакан Е. Смирнов (пĕрремĕш тренерĕ - М. Зейнетдинов) 48 килограмран каярах таякансем хушшинче çĕнтерỹçĕ ятне тивĕçнĕ.

Хăйсен виçе категорийĕсенче Сăкăтри вăтам шкулта пĕлỹ илекен К. Анюров (тренерĕ В. Анюров), Пăлапуç Пашьелĕнчи вăтам шкулта вĕренекен М. Ерофеев (А. Клементьев), Ыхра Çырминчи Ш. Вахитов (И. Вахитов) виççĕмĕш тухнă. Р. Вахитовăн (Патăрьелĕнчи пĕрремĕш вăтам шкул), И. Кидановпа (Пăлапуç Пашьел) Д. Шуряковăн (Первомайскинчи вăтам шкул), Д. Кушниковăн (Сăкăт) кăтартăвĕсем те начар пулман.

Чăваш Республикинчи ирĕклĕ майпа кĕрешекенсен аслă тренерĕ Ю. Алексеев Патăрьел районĕнчи тренерсем кĕрешекенсене хатĕрлессипе лайăх ĕçленине палăртса хăварнă.

(Хамăр корр.) .

Добавить комментарий

Яндекс.Новости

Архив материалов

Ноябрь 2019
Пн Вт Ср Чт Пт Сб Вс
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1