КУ ЧУХНЕХИ пурнăç çамрăксене çеç мар, ĕмĕр пурăнакансене те пуç йĕри-тавра тĕплĕн шутлама хистет. Паян унта та кунта мошенниксем çынсене шар кăтартнине илтнĕ хыççăн пушшех кирек мĕнле утăм тума та васкамалла мар. Сирĕн пата газ кăмакине тĕрĕслеме е электросчетчика улăштарас тĕллевпе алăка пĕр-пĕр çын килсе шаккасан тỹрех хыпăнса ан ỹкĕр. Çак организацисенче ĕçлекенсем хăйсен çăмăллăхĕпе тивĕçтереççĕ пулсан, вĕсен çумĕнче яланах пичет çапса çирĕплетнĕ удостоверени пур. Ан именĕр: унпа паллаштарма ыйтăр. Ун пек тумасан ултавçăсем сире ĕçлекен счетчиках çĕннипе улăштарма, çапла майпа çемьене кĕтмен тăкак кỹме те пултараççĕ.