Районти "Труд" ЯХПК коллективĕ экономика тĕлĕшĕнчен хавшаса панкрута тухнă хыççăн хуçалăхра çĕнĕ ертỹçĕ (А. Закиров) тата çĕнĕ инвестор (Р. Каштанов) çанă тавăрсах ĕçлеме пикенчĕç. Хальхи вăхăтра кунта ырă улшăнусем курăмлă. Хуçалăха "ахрат" çырминчен туртса кăларни куç умĕнче темелле. Паянхи куна вĕсем НДФЛ налукне çеç унчченхипе танлаштарсан 15 хут ытларах кĕртме пултарнă! Вăхăтра шалу тỹлеççĕ, унсăр пуçне çуракине хатĕрленес ĕç те кал-кал пырать, выльăх-чĕрлĕх шучĕ ỹссе пыни те савăнтарать. Урăхла каласан, ял çынни валли ĕç вырăнĕсем уçăлни те кăмăллă.