Шупашкарти Хĕрлĕ лапамра Чăваш Ен Пăр кубокне çĕнсе илессишĕн лаша ăмăртăвĕ иртнĕ. Унта Чăваш Ен, Тутарстан, Ульяновск, Финлянди юланутçисем хутшăннă. Пысăк ăмăртура пирĕн район спортсменĕсем хастарлăх кăтартнă. Старт илнĕ 17 рысакран ытларахăшĕ Юхмапа Пăла тăрăхĕнчен пулни те савăнтарать. Вăл çеç те мар-ха. Финиша чăн малтан кĕнĕ "Помпей" рысак (наездникĕ Ф. Земдиханов, Шăнкăртам) хыççăн иккĕмĕш "Комбинатор" (наездникĕ С. Кузьмичев, Пăлапуç Пашьел), виççĕмĕш каллех пирĕн район чысне хỹтĕленĕ "Акцент" (наездникĕ В. Павлов, Кивĕ Ахпỹрт) çитнĕ. Тăваттăмĕшпе пиллĕкмĕш вырăнсене те хамăр ентешсемех тухнă (наездникĕсем А. Красновпа Н. Пыркин).