КОМПЬЮТЕР ĕмĕрĕ нумай ырă пулăмсемпе пĕрлех ултавçăсемшĕн тупăш çăл куçĕ те пулса тăчĕ темелле пуль. Юлашки вăхăтра çак ăстасем (çаплах калас килет) социаллă сетьри уйрăм çынсен страницисене "çĕмĕреççĕ" те ун ячĕпе пĕрле вĕреннĕ тус-юлташĕ, тăван-пĕтенĕ патне суя хыпарсем вĕçтереççĕ. Чылай чухне çакскерсем çывăх тусĕнчен кивçен укçа парса тăма е тата пĕр-пĕр çыннăн телефон номерне çырса яма ыйтаççĕ. Тепĕр çын вара çийĕнчех лайăх калаçса тăракан юлташне, паллаканнине е тусне пулăшма васкать. Ун пек тума ан хыпаланăр! "Одноклассники" е ытти социаллă тетел урлă килекен смс-кăсене тĕрĕслемесĕр никама та хурав ан парăр, ултавçăсен шанăçне ан кĕрĕр.