РАЙОН администрацийĕ çумĕнчи çул çитмен ачасен ĕçĕпе тимлекен комиссин черетлĕ ларăвĕнче пăхса тухакан ыйтусем кашнийĕнчех тĕрлĕрен. Черетлĕ ларура Раççей Федерацийĕн тата Чăваш Республикин административлă право йĕркине пăсни çинчен калакан саккунăн 5.35 статйин 1 пайĕпе ачисене тивĕçлĕ воспитани паман пирки чылай ашшĕ-амăшне айăплама тивнĕ: 13 административлă ĕçрен 9-шĕ çак сăлтавпа çыхăннăскерсем.

Унсăр пуçне кашни комисси ларăвĕнче тенĕ пекех çул çитмен ачасем водитель удостоверенийĕсĕр руль умне ларса çула тухнă ĕçсене пăхса тухаççĕ. Хальхинче каллех ашшĕ-амăшĕн ывăлĕшĕн явап тытма, унсăр пуçне пилĕк пин тенкĕ штраф тỹлеме те тивнĕ.