Коллектив йышĕ ÿсет

Трактор тăвакан заводăн ĕç вăйĕ кăна мар, коллектив йышĕ те ÿссех пырать. Предприятин пресс-служби пĕлтернĕ тăрăх – иртнĕ уйăхра завода 287 çын ĕçе вырнаçнă. Виçĕ уйăхра концерн предприятийĕсенче ĕçлекенсен шучĕ 726 çын хутшăннă. Тимĕр шăратаслăх шайĕ ÿснĕ май заводра производство калăпăшĕ те пысăкланнă. Кăçал тепĕр 2500 çынна ĕçе илме палăртнă.

Экскурси йĕркеленĕ

Chelife.ru сайтра пĕлтернĕ тăрăх, Чăваш Республикин Ĕçпе социаллă хÿтĕлев министерстви йывăр лару-тăрура пурăнакан çемьесенчи ачасем валли Шупашкарта экскурси йĕркеленĕ. Пĕчĕкскерсене Мария Попова экскурсовод хулари паллă вырăнсемпе паллаштарнă. Чи малтанах Оперăпа балет театрĕнче пулнă. Унтан вара Шупашкарăн историлле пайĕ, кÿлмек аван курăнать. Çавăн пекех ачасем Атăл хĕрринче вырнаçнă Çĕнтерÿ паркне çитсе курнă. Унта вĕсене илемлĕ фонтан илĕртнĕ. Çар мухтавĕн музейĕ, интернационал салтаксене халалласа лартнă палăксем, Ĕмĕр сÿнми çулăм, Салтак Мухтавĕн монуменчĕ _ çакă пĕтĕмпех кăсăклăх çуратнă. Ачасем Сăваплă Иоанн часавайĕнче те пулнă, паттăрсен тата астăвăм аллейинче уçăлса çÿренĕ.

Италирен илсе килнĕ аттракцион вырнаçтарнă

Шупашкарти «Амазони» кану паркĕ сезона хатĕрленет. Хулара пурăнакансемпе хăнасем валли тĕлĕнмелли пулатех. Нумаях пулмасть унта «Туй каруççелĕ» çĕнĕ аттракцион вырнаçтарнă. Халĕ парк территорийĕнче экологи субботник.сем иртеççĕ, аттракционсен монтажне пурнăçлаççĕ. Ĕçсене акан 27-мĕшĕччен вĕçлеме палăртнă. Çĕнĕ каруççель çинче лаша кÿлеписемпе каретăсем вырнаçтарнă. Унăн платформи çаврăнĕ. Конструкцие Италирен илсе килнĕ. Кăçал «Амазони» паркра 12 аттракцион ĕçлĕ