Чи таса та сăваплă вырăнсенчен пĕри вăл масар шутланать. Ăна тирпейлесе тăрасси - ялти кашни çыннăн тивĕçĕ.      Çакна шута илсе ака уйăхĕн 20-мĕшĕнче Сителте пурăнакансем пĕр шухăшлăн пулса ир-ирех ĕç хатĕрĕсемпе масар çине пуçтарăнчĕç: вырăнти депутатсем Юрий Степановпа Николай Вазенков ертсе пынипе субботник ирттерчĕç.  Ял халăхĕ кунти çÿп-çапа, пĕлтĕрхи çулçăсене, кивĕ курăка, хуçăлса ÿкнĕ туратсене пуçтарчĕ. Сителсем çакнашкал субботниксене тăтăшах ирттерме тăрăшаççĕ. Кашнинчех ял халăхĕ йышлăн тухать, никам та манăн вăхăт çук тесе айккинче тăрса юлмасть.

И. Лякова