Тутар Республикинчи Пăвари патшалăх драма театрĕнче сцена ăстисен чи лайăх коллективĕсене чысларĕç. Конкурса ачасен наци театрĕн искусствине аталантарас, çамрăк артистсене тупса палăртас тĕллевпе йĕркеленĕччĕ. Фестивале Чăваш, Тутарстан Республикисенчен, Чулхула, Пенза облаçĕсенчен, ытти Атăлçи регионĕсенчен 42 коллектив хутшăннăччĕ.

Уяв мероприятийĕнче Тутар Сăкăтĕнчи вăтам шкулти театр ушкăнĕ хăйĕн пултарулăхне кăтартнă. 10 класра вĕренекенсем (драма кружокĕн ертỹçи Ч. Вахитова) К. Тинчуринăн "Казанское полотенце" спектакльне выляса пĕрремĕш вырăн йышăннă, диплома, кубока тата хаклă парнене тивĕçнĕ.

Çакăнта педагогсем М. Валеевăн тỹпине те кураççĕ. Вăл ачасене хут купăспа выляма вĕрентет.

А. ИВАНОВА