РАЙОН тулашĕнчи пирĕн ентешсем пирки час-часах ырă та кăмăллă хыпар илтме пулать. Çак кунсенче çеç хаçат редакцине Кĕçĕн Арапуçĕнче çуралса ỹснĕ Иван Михайлович Селиванов пирки çыру кĕчĕ. Çĕнĕ Шупашкарти технологипе управлени академийĕн ректорĕ, биологи наукисен докторĕ, профессор, Раççей Федерацийĕн профессин аслă пĕлĕвĕн хисеплĕ ĕçченĕ нумай пулмасть Екатеринбургра иртнĕ Пĕтĕм тĕнчери Х Еврази экономика форумне хутшăннă. Унта Латин Америки, Африка, Ази, Раççей çĕршывĕсенчи паллă ăсчахсем пуçтарăннă. Форум пысăк шайра иртни куçкĕрет. Пирĕн ентеш Екатеринбургран сумлă наградăпа таврăннă. Перу Республикин правительствин хушăвĕпе килĕшỹллĕн Иван Михайлович Селиванова Раççейпе Латин Америки хушшинчи туслăха çирĕплетес ĕçе пысăк тỹпе хывнăшăн медальпе наградăланă. Çакă ентешĕмĕрĕн çемье архивне пуянлатакан черетлĕ награда.