Игорь Комаров - Шупашкарта

Юнкун Шупашкарта пулнӑ май Раҫҫей Президенчĕн федерацин Атӑлҫи округĕнчи полномочиллĕ представителĕ Игорь Комаров Правительство ҫуртĕнче республикӑн социаллӑ пурнӑҫпа экономика аталанӑвĕн уйрӑм ыйтӑвĕсемпе канашлу ирттернĕ. Сӑмах чи малтанах наци проекчĕсене пурнӑҫласси пирки пынă. Полпред палӑртнӑ тӑрӑх, ӑнӑҫусемпе пĕрлех республикӑн ку ен.пе ҫитменлĕхсем те пур. Игорь Комаров тĕрлĕ ҫул-йĕрпе палӑртнӑ кашни нацпроектпа килĕшӳллĕн пурнӑҫламалли ĕҫсем ҫинче чарӑнса тӑнă. ЧР Пуҫлӑхĕ Михаил Игнатьев республикӑра 11 нацпроекта пурнӑҫламалли проектсем хатĕррине ҫирĕплетнĕ. Чӑваш Ен вĕсене тӳрре кăларассишĕн пĕтĕмпех тӑвĕ.

Ĕçлĕ çул çӳрев вăхăтĕнче Раççей Президенчĕн федерацин Атăлçи округĕнчи полномочиллĕ представителĕ Игорь Комаров республикăри ачасен клиника больницинче, «Г.А. Ильенко ячӗллӗ «ЭЛАРА» наукӑпа производство комплексӗ» АО пулнă, вĕсен ĕҫĕпе паллашнă.

Уява хатĕрленеççĕ

Кăçал Республика кунĕ Шупашкар хулипе Улатăр районĕнче иртмелле. Асăннă района конкурспа суйласа илнĕ. Ҫĕнтерӱçе вырăнти общество инфратытăмне аталантарма грант та уйăраççĕ. Йăлана кĕнĕ йĕркепе уявра «Акатуй», «Сабантуй» тата ытти культурăпа массăллă, спорт мероприятийĕсем иртмелле.

Программăсем ăнăçлă ĕçлеççĕ

Чăваш Республикинче «Земство тухтăрĕ» тата «Земство фельдшерĕ» программăсемпе ăнăçлă ĕçлеççĕ. Ял-салара вăй хуракансене патшалăх уйрăммăн пулăшма пуçланăранпа 426 сывлăх сыхлавçипе килĕшÿ тунă.

550 ӱкерчĕк тăвĕç

Шупашкар хули йĕркеленнĕренпе 550 çул çитнине кăçал паллă тăватпăр. Ҫавна май республикăра тĕрлĕ мероприяти, акцисем иртеççĕ. Акă, Чăваш Ен тĕп хула администрацийĕн вĕрентӱ управленийĕ шкул ачисем валли çĕнĕ конкурс пуçарнă. «Юратнă хулана халалласа 550 ӱкерчĕк тăватпăр» ятлă вăл. Конкурс Шупашкарти 17-мĕш тата 20-мĕш шкулсенче иртет.

Ултă çурта сиенлетнĕ

Ҫуркунне юр айĕнчен тухакан çÿп-çапран хăтăлма, типĕ курăка çĕннипе улăштарма васкатпăр та… инкек аллине çакланатпăр. Пушартан сыхă пулмаллине час-часах асăрхаттарсан та асăрханса çитейместпĕр. Акă, нумаях пулмасть Канаш районĕнчи Виçпÿрт ялĕнче çулăм ултă çурта сиенлетнĕ. Хăшĕ-пĕрине çĕнетме май çукки паллă. Пушар типĕ курăка çунтарнинчен тухнă тесе шухăшлаççĕ, унтан вăл пÿртсем çине куçнă. «Хĕрлĕ автанпа» 10 техника тата ял-йыш кĕрешнĕ.

Шупашкарта Зара концерчĕсем

Чăваш Республикин Правительствипе Шупашкар хула администрацийĕ ырланипе Шупашкарта Трактор тёвакансен культура кермен.нче майăн 15-мĕшĕнче иртекен ыр кăмăллăх концертне Зара юрăçпа пĕрле «Голос-дети 3» шоу çĕнтерӱçи тата тепĕр чаплă артист – Данила Плужников та хутшăнать. 

 «Раççей ачисем»

Чăваш Енре «Раççей ачисем» ятпа Пĕтĕм Раççейри профилактика операцийĕн пĕрремĕш тапхăрĕ иртнĕ. Унăн тĕп тĕллевĕ çул çитменнисем хушшинче наркомани сарăлассине асăрхаттарасси, наркотиксемпе суту-илӱ тăвакансене тупса палăртасси пулнă.