ИЮНĔН 1-мĕшĕ - Пĕтĕм тĕнчери ачасене хỹтĕлемелли кун. 1950 çултанпа паллă тăвакан çак уяв пысăк пĕлтерĕшлĕ, пирĕн малашлăхпа, пуласлăхпа çыхăннă. Ахальтен мар ĕнтĕ чун панă пепкесене сывă та тĕреклĕ çитĕнтерес, вĕсене аталанма пулăшас тĕллевпе патшалăх та тĕрлĕрен программа кăларса пулăшать. Амăшĕн варĕнче ỹтленекен кашни тĕпренчĕк кун çути куртăр, ăна çĕнĕ пурнăç парнелес тесен вара ача кĕтекенсен аборт тăвассинчен, пысăк çылăха хăй çине илессинчен те пăрăнмалла. Çемьере сас паракан кашни пепке пурне те савăнăç çеç илсе килтĕр.