РФ çут çанталăк министрĕ Дмитрий Кобылкин Петербургра иртекен Пĕтĕм тĕнчери экономика форумĕнче çĕршыва тасамарлăхран тасатас, йăлари каяшсене пухса тирпейлес ыйтупа ирттернĕ канашлура Чăваш Ен чылай çул хушши ĕнтĕ çĕршыври экологи лару-тăрăвĕ лайăх шайри регионсен шутне кĕнине çирĕплетсе каланă. «Пирĕн лайăх ĕçлекен регионсем пур. Вĕсем: Чăваш Республики, Тутар   Республики, Мускав облаçĕ. Федераци шайĕнче тĕрев пама укçа-тенкĕ пăхса хăварнă. Шансах тăратăп, ыйтăва ытти субъектсем те туллин пурнăçласса», - тенĕ Дмитрий Кобылкин. 

Канашлура Чăваш Ен  Пуçлăхĕ Михаил Игнатьев ку енĕпе республикăра еплерех ĕçлесе пынипе паллаштарнă.

А. Иванов