ÇĔРТМЕ уйăхĕсен малтанхи кунĕсем çеç иртсе пыраççĕ-ха. Хĕвеллĕ те шăрăх çанталăк, çыран хĕрринче пиçĕхмелли, шыва кĕрсе савăнмалли е пулă тытса киленмелли вăхăчĕ умра. Çавăнпа та район администрацийĕн ятарлă программăсен пай пуçлăхĕ Григорий Каллин хаçат тусĕсене тепĕр хут асăрхаттарать: шыва кĕмелли тапхăрта пурин те хăрушсăрлăх йĕркине çирĕп пăхăнмалла. Шывăн турачĕ çук! Уйрăмах каникул вăхăтĕнче ачасене хăйсем тĕллĕн кỹлĕ хĕррине ямалла мар. Аслисен хĕрĕнкĕлле тарăн юханшывсенче ишни те синкерлĕ вĕçленме пултарать. Маларахри çулсенчи пăтăрмахсен ытларах пайĕ шăпах çак сăлтавпа çыхăннă та.