2002 тата ун хыççăнхи çулсенче çуралнă каччăсемпе хĕрсем Чăваш Республикин Пуçлăхĕн кубокне çĕнсе илессишĕн ХХI шкул спартакиадипе килĕшỹллĕн пыракан йывăр атлетсен ăмăртăвĕнче тупăшнă. Вăл Елчĕкри А. В. Игнатьев ячĕллĕ ачасемпе çамрăксен "Улăп" спорт шкулĕнче иртнĕ. Унта пирĕн район чысне Н. Зимин, Н. Трифонов, А. Смирнов тренер-преподавательсем хатĕрлекен ачасем хỹтĕленĕ. М. Сымова, Е. Юрмина, А. Сымова, М. Митрофанова, Д. Павлов, Г. Хадаров, Л. Афанасьев хăйсен виçе категорийĕсенче пĕрремĕш вырăнсене тухма пултарнă. Тата виççĕшĕ пьедесталăн иккĕмĕш, улттăшĕ виççĕмĕш картлашкисем çине хăпарни те кăмăллă. 16 ача çĕнтерỹçĕсен йышĕнче пулни хăйне майлă пысăк çитĕнỹ.