2019 çул Чăваш Ен парламенчĕшĕн - пĕлтерĕшлĕ çулталăк. Чăваш Республикин Патшалăх Канашне туса хунăранпа 25 çул çитрĕ. Парламент суйлавçăсен интересĕсене тĕпе хурса 1994 çулта ĕçлеме пуçланă. Унтанпа депутатсем халăх ырлăхне ÿстерме пулăшакан пин ытла саккун йышăннă. Малашне те вĕсем çак тĕллеве тĕпе хурса тăрăшĕç.

Чăваш халăх историйĕнчи паллă çак пулăма халалласа  Шупашкарта Ухсай Яккăвĕн культура керменĕче савăнăçлă пуху иртнĕ. Уява республикăн влаcть органĕсен представителĕсем, депутатсем, парламент ĕçĕн ветеранĕсем, Киров, Самар, Чулхула, Иваново облаçĕнчен, Мордва Республикинчен килнĕ хăнасем, ыттисем хутшăннă. Çавăн пекех сумлă мероприятире Патăрьел район администрацийĕн пуçлăхĕ Рудольф Селиванов ертсе пыракан делегаци те пулнă (\керч.кре).

Уява пухăннисене ЧР Патшалăх Канашĕн Председателĕ Альбина Егорова, ЧР Министрсен Кабинечĕн Председателĕ Иван Моторин, РФ Патшалăх Думин депутачĕ, ЧР пĕрремĕш суйлаври Патшалăх Канашĕн Председателĕ Валентин Шурчанов, ыттисем саламланă. Уявра çавăн пекех ĕçре пысăк çитĕнÿсем тунисем, т.рл. конкурс çĕнтерÿçисем наградăсене тивĕçнĕ.

А. Иванов