Нăрваш Шăхалĕнчи вăтам шкулта Украинăри ятарлă çар операцийĕнче пуçне хунă Александр Волков выпускник ячĕпе Паттăр парттине уçнă.

Александр Владимирович вăтам шкул хыççăн И. Н. Ульянов ячĕллĕ Чăваш патшалăх университечĕн историпе географи факультетĕнчен вĕренсе тухнă, шыравçă, археолог, Чăваш наци музейĕн археологипе авалхи истори секторĕн экс-заведующийĕ пулнă. Украинăри ятарлă çар операцине хăй ирĕкĕпе кайнă.

Асăну мероприятине муниципалитет округĕн пуçлăхĕн социаллă ыйтусемпе ĕçлекен çумĕ, администрацин финанс пайĕн начальникĕ Светлана Чернова, территори пайĕн начальникĕ Мария Кошкина, муниципалитет округĕн депутатсен Пухăвĕн депутачĕ Николай Афанасьев, паттăр тăванĕсем тата çывăх çыннисем хутшăннă.

 Паттăр парттине уçма Саша амăшне Лариса Александровнăна ыйтнă. Унта пуçласа ларма 10 класс вĕренекенĕ, çамрăк армеецсен "Ястребы" отрячĕн командирĕ, "Зарница" вăййăн муниципалитет тапхăрĕн çĕнтерỹçи Гектор Никитин тивĕçнĕ.

 Альбина ИВАНОВА