Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев "Вилĕмсĕр полк" акцие Интернетра халăх ушкăнĕсенче ирттерме чĕнсе каланă. Çавăн пирки вăл видео ỹкерсе Инстаграма вырнаçтарнă. Олег Алексеевич аллинче - Федор Максимович Григорьев (кукашшĕ) сăн ỹкерчĕкĕ.

"Эпидеми, паллах, мероприятисен графикĕсене тата формисене улăштарма пултарать. Анчах Тăван çĕршывăн паттăрĕсене манма нимĕн те хистеймĕ. Пирĕн "Вилĕмсĕр полк" кăçал социаллă сетьсенче ирттĕр. Хăвăрăн паттăрсем - аслаçăрсемпе асаннĕрсем - çинчен каласа кăтартакан видеосем ỹкерсе илĕр. Ветерансен паттăрлăхĕпе пĕрле мăнаçланăпăр, вĕсен ятне ачасемпе мăнуксен патне çитерĕпĕр", - тесе çырнă Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев.

А. ИВАНОВ.