КАШНИ çыннăнах килĕштернĕ поэт, писатель пур, анчах вĕсем хăш уйăхра çуралнă-ши? Кун пирки нумайăшĕ хурав параймасть. Кивĕ Ахпÿртри ял библиотекинче вăй хуракан Ираида Козлова «Чăваш Енри çутă çу кунĕсем» проектпа килĕшÿллĕн июльте тата августра кун çути курнă юбиляр-çыравçăсен кĕнекисен куравне йĕркеленĕ. Вулакансене тĕнчипе, çĕршывĕпе паллă Вальтер Скотт, Теодор Драйзер, Дональд Биссет, Джордж Бернард Шоу, Сергей Баруздин, Александр Афанасьев, Дмитрий Мережковский сăмах ăстисен пултарулăхĕпе паллаштарнă. Валентина Тарават, Ольга Куликова (Улькка Эльмен) чăваш çыравçисем çинчен каласа панă.