ПАТĂРЬЕЛĔНЧИ «Паттăр» стадион пĕрре те пушă тăмасть. Кунта «Чăваш Енри çутă çу кунĕсем» тата «Картишĕнчи тренер» проектсемпе ачасемпе пĕрлех аслисем те футболла тата волейболла выляма пухăнаççĕ. Ĕç хыççăн шăм-шака çемçетнипе пĕрлех сывлăхĕсене те çирĕплетеççĕ.

Пляж волейболне кăмăллакансем те çак кунсенче çемье командисемпе тĕл пулнă. Вăйă хĕрÿ те кăсăклă иртнĕ, кашнийĕ çĕнтерÿ патне ăнтăлнă. Пьедестал картлаçĕсем çине чи-чи маттуррисем тăма тивĕçнĕ. Кĕçĕн Патăрьелĕнчи Рубцовсем — пĕрремĕш, Патăрьелĕнчи Пласкинсем — иккĕмĕш, Викторовсем виççĕмĕш вырăнсене йышăннă.