Люля поселокĕнче Люля юхан шыв урлă хывнă йывăç кĕпер юрăхсăра тухнăран çынсене çăмăлах килмен. Пĕр-пĕрин патне каймалла пулсан та каçма начарри пăшăрхантарнă. Обществăлла транспорт чарăнакан вырăна, лавккана çитесси е масар çине кайса килесси те чăрмавлă пулнă.

Йывăрлăхран тухма ял халăхĕ «Ниме — Халăх бюджечĕ» программăна суйласа илнĕ. Пĕр шухăшлăн пулса документсем хатĕрленĕ, вĕсен ыйтăвĕ чи çивĕччисенчен пĕри иккенне ĕнентернĕ. Тăрăшнине кура халĕ Люляра пурăнакансем çĕнĕ кĕперпе савăнсах каçса çÿреççĕ.