Пĕчĕкялсен хавалĕ чăннипех те пысăк. Халăх пĕр шухăшлăн пулса пухăнать те палăртнă ĕçе туса та хурать. Çĕньял территорине кĕрекен Çăл Атăкпа Анат Тăрмăшĕнче пурăнакансем кам та пулсан хушасса е çÿлтен каласса кĕтсе тăмаççĕ. Нумай пулмасть вĕсем Аслă Çĕнтерÿ 80 çул тултарнă тĕле Тăван çĕршывăн Аслă вăрçинче паттăрла пуç хунă ентеш-салтаксене асăнса лартнă палăк территорине тирпейленĕ. Субботнике 50 ытла çын тухнă.

Çăл Атăк халăхĕ çак кунсенче масара та тасатнă. Ÿссе кайнă курăка çулнипе пĕрлех хăрнă йывăç турачĕсене, кивелнĕ веноксене пуçтарнă.