Çĕньялта тĕнчипе паллă чăваш поэчĕ Геннадий Айхи çуралса ÿснĕ урамри асфальт çула савăнăçлă лару-тăрура уçнă. Ăна Чăваш Енри «Хăрушсăр çулсем» проект пулăшнипе хута янă. Çухрăма яхăн тăсăлаканскере икĕ тапхăрпа пурнăçланă: çуррине — пĕлтĕр, ыттине кăçал сарнă. Ăна тума 6 млн тенкĕ ытла укçа хывнă.

Çатма пек яка çул пахалăхне ялти ачасем пĕрремĕш хак панă: савăнсах велосипедпа ярăннă. Халăх та хĕпĕртенине пытарман. Çитес çул «Ниме — Халăх бюджечĕ» программăна хутшăнас кăмăллине, çула масар патнех çитмелле тума тĕллев лартнине пĕлтернĕ.