Шăпах çапла пĕтĕмлетнĕ "Единая Россия" партин регион уйрăмĕнче парти проекчĕсем мĕнле пурнăçланнин ыйтăвĕсемпе йĕркеленĕ канашлура. Унта Чăваш Республикин Пуçлăхĕ Михаил Игнатьев та хутшăннă. Мероприятие уçнă май партин регион уйрăмĕн секретарĕ Юрий Кислов çак проектсене пурнăçа кĕртни Владимир Путин Президент Çырура тата "çу уйăxĕнчи" указсенче палăртнă тĕллевсемпе те çыхăннине пĕлтернĕ. "Вĕсем урлă эпир халăха хамăр суйлав умĕн мĕн шантарнине чăна çавăратпăр", - тенĕ. Чăваш Енре 2018 çулта партин 14, çавăн пекех регион шайĕнчи 2 проекта пурнăçа кĕртнĕ. Тĕслĕхрен, "Ача-пăча спорчĕ" ятлине тĕпе хурса пĕлтĕр ялти шкулсенче вырнаçнă 30 спорт залне тĕпрен юсанă. Кăçaл ку ĕçe малалла тăсĕç. Пĕтĕмпе кăçал партин 15 проектне пурнăça кĕртмелле.