ПАЯН пирĕн саккăрмĕш, тăххăрмĕш, вуннăмĕш теçеткене ваклакан ĕç ветеранĕсем, хисеплĕ тыл хастарĕсем умĕнче пуçăмăра таймаллах. Вĕсем чăн-чăн паттăрсем, çамрăксемшĕн ырă тĕслĕхлĕ. Шел, вăрçă вучĕ витĕр тухнă, хăрушă выçлăх çулĕсене чăтса ирттернĕ çынсем çулсеренех сахалланса пыраççĕ. Çапах та вăхăтран-вăхăта шурсухалсемпе аксакалсене пысăк юбилей ячĕпе саламласа пархатарлă ĕçшĕн тав туни пысăк чыс.

Çак кунсенче çеç Кивĕ Катекри Агафия Васильевна Бухарина ĕç ветеранĕ, тыл паттăрĕ 95 çул тултарнă. Ĕç ветеранне районти социаллă хỹтлĕх центрĕн начальникĕ Н. Никитинăпа Çĕнĕ Ахпỹрт ял тăрăх пуçлăхĕ А. Майрушкин Раççей Президенчĕн тата район администрацийĕн пуçлăхĕн Тав çырăвĕсене çитернĕ, канлĕ те лăпкă ватлăх, çирĕп сывлăх суннă.