ПУШ уйăхĕнчи çак "ăмăртура" кам çĕнтересси паллă. Çурпике хăйĕн мĕн пур правипе усă курма хатĕрленнĕ май часах сăрт çамкисемпе уй-хирте юр ирĕлсе пĕтсенех ял çынни ака-сухана пуçтарăнĕ. Сăмах май каласан, юлашки çулсенче хăш-пĕр харсăр çынсем çĕрти нỹрĕк типсе кайиччен апрель уйăхĕнчех сухан-севок, кишĕр-чĕкĕнтĕр акма тухаççĕ. Кăçалхи çуркунне кăшт каярах пырать теççĕ пулин те хуçалăхсенче ака агрегачĕсене "чун" кĕртме вăхăт. Çурхи кун çулталăк тăрантарнине шута илсен çĕр ĕçченĕн кашни сехечĕпе туллин усă курма тивĕ.