Тăрăн ял тăрăхĕнчи "Савăнăç" агитбригада ушкăнĕ çулсеренех вырма вăхăтĕнче "Исток" çĕр ĕç фирмин уй-хир ĕçченĕсене, механизаторсене хăйсен концерт программипе савăнтарать. Хальхинче те сцена ăстисем вĕсене илемлĕ чăваш юррисене парнеленĕ, начар мар çитĕннĕ тыр-пула вăхăтра тата çухатусăр пуçтарса кĕртме сывлăх, пысăк ăнтăлу суннă. Культура ĕçченĕсен юрă саламĕ çĕр ĕç фирмин хастарĕсене юлхавланма памĕ, вăй-хăват тата пысăк хавхалану çеç кỹрĕ.

Сăмах май каласан, ырă та пархатарлă опыта ытти ял тăрăхĕсенче усă курни никамшăн та ытлашши пулмĕ.