Раççей Федерацийĕн саккунĕпе килĕшỹллĕн 18 çул тултарман ачасем каçхине 22 сехетрен пуçласа ирхине 6 сехетчен обществăлла вырăнта, вăл шутра урамра, стадионта, паркра е скверта тата ытти çĕрте те ашшĕ-амăшĕсĕр, аслисемсĕр çỹреме юрамасть. Урăхла каласан вĕсемшĕн çав вăхăт - "комендант сехечĕ" шутланать. Шел пулин те, çак йĕркене пăснă тĕслĕхсем тĕл пулсах тăраççĕ. Район администрацийĕн çул çитмен ачасемпе ĕçлекен комиссин иртнĕ ларăвĕнче те кун пек ĕçсене пăхса тухнă, ашшĕ-амăшне ачисене кирлĕ пек пăхса тăманшăн, тивĕçлĕ воспитани паманшăн явап тыттарнă.