Треньелĕнчи Фроловсен çемйине районта та чылайăшĕ пĕлеççĕ-тĕр. Çемье пуçлăхĕ Михаил Васильевич çăмăл атлетика енĕпе спорт мастерĕн кандидачĕ. Спорт ветеранĕ паян та сывă пурнăç йĕркине пăрахмасть. Августăн 24-мĕшĕнче вăл Мари Элта сăртлă-туллă вырăнта чупассипе Раççей шайĕнче йĕркеленĕ пысăк ăмăртăва хутшăнса финиша пиллĕкмĕш кĕнĕ. Çак кунхинех унăн ывăлĕ Кирилл Мускав облаçĕнчи "Вороново кубокĕшĕн" 5 çухрăма çуран утассипе старта тăрса пăхăр медале тивĕçнĕ. Раççей тĕнче класлă спорт мастерĕ Кирилл Фролов Чăваш Еншĕн çеç мар, Мускав хулишĕн те сахал мар пысăк çитĕнỹ тăвать.