Юлашки çулсенче Чăваш Енре хура çĕлен нумайланни вăрттăнлăх мар. Çулман лаптăксем сахал мар, хуçасăр дачăсем те пур. Вăрмансенче чăтлăх.

Кăçал 25 çынна çĕлен сăхнă. Çакăн пирки гигиена тата эпидемиологи центрĕ пĕлтерет. Иккĕшĕ - ачасем. Ытларах чухне çынсем асăрханусăр çĕлен çине пуснă чухне шар кураççĕ. Юрать-ха, инкеке лекнисенчен вилнисем пулман.

Çĕлен сăхнă хыççăн пç çаврăннине, хăсас килнине, вăй пĕтнине туятăр пулсан пĕр тăхтамасăр васкавлă медицина пулăшăвне чĕнмелле. Суранланнă вырăнти наркăмăша çăварпа ĕмсе кăларма юрамасть.