Патшалăхăн паллă обществăлла деятелĕ, Граждан вăрçин участникĕ, Вăрмар районĕн хисеплĕ гражданинĕ (1990 çул) Меркурий Андреевич Волков (14.10.1900-29.10.1993, Алманчă) çуралнăранпа - 120 çул.

 М. Волков - Чĕмпĕрти чăваш учителĕсен шкулĕн, Чăваш халăх вĕрентỹ институчĕн выпускникĕ. Хĕрлĕ çарта службăра тăракан ентешсене хавхалантаракан артистсен труппин администраторĕ пулнă. 1920-1922 çулсенче - Чĕмпĕр кĕпĕрне комсомол комитечĕн чăваш секцийĕн секретарĕ, Чĕмпĕр кĕпĕрнинчи чрезвычайлă лару-тăру сотрудникĕ. 1923-1929 çулсенче парти шкулĕнче ĕçленĕ, Шупашкар хула комитечĕн агитаципе пропаганда пайне ертсе пынă, Чăваш АССРĕн халăх комиссарĕн юстици заместителĕнче вăй хунă. 1929-1932 çулсенче облаçри тĕрĕслев комиссийĕн пĕрлештернĕ органĕнче тата рабочисемпе хресченсен инспекцийĕнче тимленĕ. 1931-1937 çулсенче - вăтам специальность паракан вĕрентỹ заведенийĕсенче преподавательте тата директорта тăрăшнă. 1948-1952 çулсенче Чăваш АССРĕн Министрсен Канашĕ çумĕнчи пичетре патшалăх вăрттăнлăхĕсене сыхлассипе ĕçлекен управлени начальникĕ, 1954-1961 çулсенче Чăваш Республикин краеведени музейĕн аслă наука сотрудникĕ пулнă.

1989 çулта ентешĕмĕр ятне Чăваш АССРĕн Ĕç Мухтавĕпе Паттăрлăх Хисеп Кĕнекине кĕртнĕ. Вăл Хĕрлĕ Çăлтăр ордена тивĕçнĕ.

 ("Çулталăк кĕнекинчен")