Раççей Правительстви регионсен 2025-2030 çулсенчи социаллă пурнăçпа экономика аталанăвĕн уйрăм программисене çирĕплетнĕ.

Тăватă регионăн - Чăваш Енĕн, Адыгейăн, Мари Элăн тата Курган облаçĕн - уйрăм программисене çирĕплетесси çинчен калакан хушусене алă пуснă. Кашни программăна пурнăçлама федераци бюджетĕнчен 6-шар миллиард тенкĕ уйăрĕç.

"Çак укçа граждансен пурнăçне малалла лайăхлатма, регионсен проекчĕсен инвестици илĕртỹлĕхне çĕклеме кайĕ. Эпир çавăн пекех тирпейлекен промышленноçа, ял хуçалăхне, инфратытăма, туризма, ытти сферăна аталантарма пулăшăпăр", - тенĕ çĕршыв Правительствин пуçлăхĕ Михаил Мишустин.

 Александр ИВАНОВ