Тепĕр чухне чăх хăй тăвакан çăмартана хăех çисе ярать. Çакă кайăк-кĕшĕке минерал веществисем е белок çитменнипе пулать. Мĕн тумалла-ха? Рациона выльăх-чĕрлĕх белокĕ кĕртмелле. Ку вăл - пулă е шăмăллă аш çăнăхĕ. Ăна пăтратса е ахаль апатпа хутăш пама юрать. Апат тăварĕ пирки те манмалла мар. Тăвара шыва е апата хушса памалла.

 Чăхсем ан чирлеччĕр тесен вăсене вăхăтран вăхăта йỹçнĕ сĕт лартса памалла, унта укроп, симĕс сухан, петрушка, вĕлтĕрен вĕтетсе хушмалла, чĕптĕм чухлĕ авăртнă хĕрлĕ пăрăç ярса пăтратмалла. Чăх-чĕп валли çав тери сиплĕ апат пулчĕ те. Кунашкал апат чăхсен паразичĕсене те пĕтерет.