Патăрьелĕнчи Федорпа Елена Синеевсем хĕрпе ывăл çитĕнтереççĕ. Ачисемпе вара мухтанмалăх пур - иккĕшĕ те Патăрьелĕнчи пĕрремĕш вăтам шкулта лайăх паллăсемпе çеç ĕлкĕрсе пыраççĕ.

 - Софья пĕрремĕш класранпах тăрăшса вĕренчĕ. Кашни урока тĕплĕн хатĕрленсе каятчĕ. Округра, республикăра иртекен олимпиадăсемпе конкурссене çулленех хутшăнатчĕ, - теççĕ Синеевсем. Маттур та анлă тавракурăмлă хĕр кăçал 11 класран вĕренсе тухрĕ. Патшалăхăн пĕрлĕхлĕ экзаменĕсене ăнăçлă тытнă, вырăс чĕлхипе вара 100 бал таран пухнă. Аслă пĕлỹ илсе çĕршывшăн юрăхлă çын пулма ĕмĕтленет.

8 класран вĕренсе тухнă Денис шăллĕ те аппăшĕ пекех тарăн пĕлỹ илме тăрăшать.