ЕЛЧĔКРЕН Патăрьелне е Патăрьелĕнчен Елчĕке каясси юлашки çулсенче автобуссем çÿреме пăрахнипе чĕр нушаччĕ. Малашне ку ыйту халăха хумхантармĕ. Чăваш Республикин Пуçлăхĕн пуçарăвĕпе апрель уйăхĕнчен республикăра çĕнĕ 5 маршрут хута каять. Вăл шута Елчĕк — Патăрьел маршрут та кĕрет. Çул укçи 90 (карттăпа тÿлесен) тата 72 тенкĕ (алăран укçа парсан) пулать. Çавăн пекех Шăмăршă — Патăрьел рейс та уçăлать, хакĕ — 56 тенкĕ тата 44 тенкĕ.
Май 2026 |
