— «Фермер шкулĕ» проектăн çиччĕмĕш юхăмĕ старт илчĕ. Кăçал 42 çын — вĕсем хушшинче çĕрпе ĕçлекенсем те, агробизнесра пĕрремĕш утăм тăвакансем те пур — вĕренет. Программăра — хальхи вăхăтри аквакультура технологийĕ, çавăн пекех ĕне-выльăх ĕрчетесси. Тĕп тĕллев — харпăр хуçалăха аталантарма практика пĕлĕвĕ парасси.

Чăваш Ен проекта реализацилессипе малтисен хушшинче. «Фермер шкулĕ» ĕçлеме пуçăннăранпа республикăри АПК валли 240 ытла специалист хатĕрленĕ. Юлашки 5 çулта çеç 65 выпускник 425 млн тенкĕ ытлалăх грант пулăшăвне тивĕçнĕ.