ÇИТЕС шăматкун, майăн 30-мĕшĕнче, вилнĕ тăванăмăрсене асăнмалли кун. Çак кун чиркÿсенче вĕсен ячĕпе çуртасем çутаççĕ, просфор кастараççĕ. Нумай ялта асăнма масар çине каяççĕ. Унччен вара çăвасене тасатса тирпейлемелле: хăрнă йывăçсене касмалла, кивелнĕ чечек кăшăлĕсене тухса хумалла, хĕрессемпе картасене сăрламалла, чечексем лартмалла... Ĕçĕ çителĕклех. Чылай çĕрте ял хавалĕпе пухăнса субботниксем ирттернĕ-ха, çапах тирпейлемеллисем те пур. Хуть мĕн тесен те пирĕн, ку тĕнчере пурăнакансен, ĕмĕрлĕх куçне хупнă çывăх çыннăмăрсем канлĕх тупнă вырăна пăхса тăрасси — тивĕç.

Майăн 31-мĕшĕнче Троица уявĕ. Çак кун ялсенче уявсем ирттереççĕ, вăййа тухаççĕ, спорт ăмăртăвĕсем йĕркелеççĕ.