«АЧАЛĂХ ячĕпе, ачалăхшăн» марафона округра пурăнакансем çулленех хастар хутшăнаççĕ. Сăмах май, «Авангард» хаçат редакцинче вăй хуракансем ырă ĕçрен нихăçан та пăрăнса юлман, кăçал та хăйсен тÿпине кăмăлтанах хыврĕç. Хальхи вăхăта 34 предприяти хутшăннă, счет çине 204 пин тенкĕ пухăннă.

Марафон вĕçлениччен тата нумай юлман, çавна май муниципалитетра пурăнакансен акцие хастартарах хутшăнсан аван. Ырă туни ырăпах таврăннине манар мар.

Пухăннă укçа Патăрьелĕнчи «Тĕп» ача садĕнче пĕчĕккисене вылямалли çĕнĕ лапам тума каять.